५ मंसिर, काठमाण्डौं/ उपप्रधानमन्त्री एवं गृहमन्त्री वामदेव गौतमले कालापानी सिमा विवादको त्रिपक्षिय बिन्दुवारे चीनले पनि वोल्नुपर्ने बताउनुभएको छ । आज चीनियाँ उच्च स्तरीय सैन्य टोलीसँगको भेटपछि पत्रकारहरुसँग कुरा गर्दै उहाँले दार्चुलाको त्रिपक्षिय सिमा बिन्दुवारे चीनले पनि वोल्नुपर्ने बताएको जानकारी दिनुभयो । उहाँले दार्चुला जिल्लाको नेपाल, भारत र चीनवीचको त्रिपक्षिय बिन्दुमा नेपाल र भारतवीच सिमा विवाद रहँदै आएको छ । उहाँले भन्नुभयो, नेपाल र चीनवीचको ऐतिहाँसिक कालदेखिको सम्बन्धको कारण पनि चीनले पनि वोल्नु पर्ने हो कि भन्ने कुरा राखे । नेपालले त्रिपक्षिय बिन्दु लिम्पियाधुरालाई कायम गर्नुपर्ने अडान लिदै आएको छ ।

उहाँले चीनिया सैन्य टोलीसँग मनाङ नाका खोल्न पनि आग्रह गरेको जानकारी दिनुभयो । त्यसैगरी चीनिया सैन्य टोलीसँगको भेटपछि रक्षा मन्त्री रामबहादुर थापा वादलले चीनसँग नेपालको सिमा विवाद नभएपनि पूर्वी, पश्चिमि र दक्षिणि सिमा ब्यवस्थित गर्ने क्रममा उत्तरी सिमा पनि ब्यवस्थित गर्नुपर्ने प्रस्ताव राखेको बताउनुभयो । उहाँले नेपाल सरकारले सिमा ब्यवस्थि तगर्ने नीति लिएको चिनिया टोलीलाई जानकारी गराएको बताउनुभयो । उहाँले खुल्ला सिमाको कारण चीन विरोधी गतिविधि भइरहेकोप्रति पनि सचेत गराएको जानकारी दिनुभयो । चीनिया सैन्य टोलीले नेपालको एक चीन नीतिको प्रशंसा गरेका थिए ।