टोकियो, २९ कात्तिक/ अन्तरराष्ट्रिय वित्तीय सङ्कटको मारमा परेको राष्ट्रहरुलाई सघाउन जापानले अन्तरराष्ट्रिय मुद्रा कोषलाई एक खर्ब अमेरिकी डलर सापटी दिने प्रस्ताव अघि सार्दैछ । जापानी प्रधानमन्त्री तारो आसोले आजै दिउँसो वासिङ्टनमा शुरु हुने प्रमुख औद्योगिक तथा उदीयमान राष्ट्रहरुको वित्तीय सङ्कट शिखर बैठकमा जापानको तर्फाट यो प्रस्ताव गर्न लागिएको हो । साथै उहाँले त्यस बैठकमा आइएमएमका सदस्य राष्ट्रहरुलाई विश्व आर्थिक बृद्धिलाई हाँक्ने अपेक्षा गरिएका उदीयमान राष्ट्रहरुलाई सघाउन संस्थागत रुपमा कोष उपलब्ध गराइदिन पनि आग्रह गर्नुहुनेछ ।

पूँजी बढाउने काम सम्पन्न नहुन्जेल हामी हाम्रो विदेशी मुद्रा संचितिबाट आइएमएफलाई एक खर्ब डलर सापटी दिने प्रस्ताव गर्न तयार छौं ।- जापानी प्रधानमन्त्रीको कार्यालयले एक वक्तव्य मार्फ भनेको छ । चीनपछि जापानसँग सबैभन्दा बढी झण्डै नौ खर्ब ८० अर्ब डलर विदेशी मुद्रा संचिति रहेको छ । आइएमएफले विश्वव्यापी वित्तीय सङ्कटको प्रभाव न्यून पार्न आइसल्याण्ड, हंगेरी, यूक्रेन जस्ता राष्ट्रहरुलाई ठूलो क्रृण सहयोग प्रदान गर्न तयारी गरिरहेको छ ।