ताइपेइ, ४ मङ्सिर/ भ्रष्टाचारको आरोपमा मुछिएका पुर्व ताइवानी राष्ट्रपति चेन शुइ वियनलाई बुधबार अस्पतालबाट फर्काएर पुनः हिराशत केन्द्र लगिएको छ । आठ दिनदेखि भोक हडतालमा रहेका चेनलाई मुटुको ढुकढुकी अनियमित बनेपछि अस्पताल लगिएको थियो । बुधबार एम्बुलेन्सबाट अस्पताल निस्कँदा उनका दर्जनौं र्समर्थकहरूले बिगुल बजाएका थिए । बुधबार बिहान डाक्टरहरूले चेनको स्वास्थ्यमा देखिने गरी सुधार आएको तर चेनले खानेकुरा खान अझै अस्वीकार गरेको बताएका थिए । भोक हडतालमा उत्रेको चारौं दिन जलवियोजन भएपछि आइतबार चेनलाई अस्पताल पुर्‍याइएको थियो ।