काबुल, १४ मङ्सिर । दक्षिणी अफगानितानमा अमेरिकी नेतृत्वको गठबन्धन सेनाले महिलाको भेषमा आएका एक वरिष्ठ तालिवान कमाण्डरलाई गोली हानी मारेको अधिकारीहरूले आज जनाएका छन् ।

शुक्रबार गरिएको सैन्य कारवाहीमा अमेरिकी सेनाले चार तालिवान लडाकू मारेको अमेरिकी सेनाद्वारा प्रकाशित एक विज्ञप्तिमा जनाइएको छ । मृतक ती कमाण्डर हाजि याकुव भएको अमेरिकी सेनाले पुष्टि गरेको छ ।

घाज्नी प्र्रान्तमा गठबन्धन सेना र अफगान सरकारविरुद्ध आत्मघाती बम आक्रमण तथा सडक छेऊमा बम विच्छयाउन लडाकूहरूलाई निर्देशन दिने काम मृतक याकुबले गर्दै आएको सो विज्ञप्तिमा जनाइएको छ ।

यसैबीच अफगानसहित गठबन्धन सेनाले दक्षिणी हेल्मण्ड प्रान्तमा गस्तिमा रहेका सुरक्षाकर्मीमाथि आक्रमण गर्न खोज्ने ३३ व्रि्रोही लडाकूलाई मारेको एक सैन्य अधिकारीले बताए ।