सिड्नी, १५ मङ्सिर/ दक्षिणी अष्ट्रेलियामा अलपत्र अबस्थामा रहेका ७२ वटा हृवेल माछा मरेको एक जना अधिकारीले आज बताएका छन् । एक साता अघि पनि समुद्री तटनजिक यस्तै प्रकृतिबाट ५३ वटा ठूला जातीका सामुद्रीक जनावर मरेका थिए । ठूला जातीका ती हृवेल माछा दक्षिणी तास्मिनिया द्वीपको बलौटे तटीय क्षेत्र एवं ढुंगा र चट्टानहरूबीच अलपत्र अबस्थामा रहेको विश्वास गरिएको छ । बहत्तर वटा हृवेल माछा मृत अबस्थामा भेटिएका छन् ।- तास्मिनियाको पार्क तथा बन्यजन्तु सेवाका अधिकारी क्रिस आर्थरले बताए । समुद्री जल क्षेत्रमा अलपत्र अवस्थामा रहेका थप ३२ वटा हृवेल माछालाई उद्धारकर्मीहरूले उद्धार गरी हेरचाह गरिरहेको आर्थरले बताए ।

शनिबार बिहान सबेरै ताम्सिनियाली अधिकारीहरूलाई त्यहाँको प्रशासनले र्सतर्क तुल्याइएको र दुर्गम क्षेत्रमा हेलिकप्टरद्वारा गरिएको निरीक्षणमा ढुङ्गा र चट्टानले नराम्ररी काटिएर घाइते भएपनि अझै १२ वटा हृवेल जीवितै फेला परेका छन् । आइतबार त्यस जल क्षेत्रमा पुगेका उद्धारकर्मीहरुले सात मिटर लम्बाई र तीन टनभन्दा बढी तौलका दुइवटा हृवेल जीवितै फेला पारेका थिए ।