बेइजिङ, १५ मङ्सिर/ थाइल्याण्डको दङ्गाग्रस्त क्षेत्रमा अलपत्र अबस्थामा रहेका पर्यटकहरू बोकेको पहिलो विमान आज बिहान सबेरै सङ्र्घाई पुगेको छ । सिन्हृवा समाचार समितिका अनुसार २४६ यात्रु बोकेको चाइना इष्र्टन फ्लाइटको एमयु-५४८ नामक विमान स्थानीय समयानुसार बिहान २:१५ बजे सङ्र्घाईको पुडोङ्ग अन्तरराष्ट्रिय विमास्थलमा अवतरण गरेको हो । बैंककबाट १५० किलोमिटर टाढा पर्ने यु- तापाओ विमानस्थलमा अलपत्र अबस्थामा रहेका पर्यटकहरूलाई सो विमानले उद्धार गरी सङ्र्घाई पुर्‍याएका थिए ।

सरकार विरोधी प्रदर्शनकारीहरुको कब्जामा रहेकाले बैंककको मुख्य अन्तरराष्ट्रिय विमास्थल बन्द अवस्थामा रहेको छ । दंगा क्षेत्रमा अलपत्र अवस्थामा रहेका चिनिया पर्यटकहरू बोकेका कम्तीमा अरू तीनवटा विमानहरू पनि थाइल्याण्डबाट चीन आइपुग्ने अपेक्षा गरिएको छ । सिन्हृवा समाचार समितिका अनुसार थाइल्याण्डमा २ हजारदेखि ३ हजारसम्म चिनिया पर्यटकहरू अलपत्र अवस्थामा रहेको अनुमान गरिएको छ ।