• Email to friend
• Add to Bookmark
• Send your feedback
• Printer Friendly

पोखरा ११ मंसिर/सभामुख सुवासचन्द्र नेम्वाङले लोकतान्त्रिक संविधान निर्माण गर्न नसकिए शान्ति प्रक्रियासँगै समुन्नत नेपालको निर्माण नहुने दावी गर्नुभएको छ । उहाँले लोकतन्त्रिक गणतन्त्रलाई संस्थागत गर्दै शान्ति प्रक्रियालाई निष्कर्षा पुर्‍याउँदै समुन्नत नेपालको निर्माण गर्न नयाँ संविधान निर्माण अपरिहार्य भएको बताउनुभयो । जनआन्दोलनको मर्म र समुन्नत नेपाल निर्माण गर्न लोकतान्त्रिक संविधान निर्माण गरिनुपर्छ । बुधबारदेखि पोखरामा आयोजित कास्की जिल्ला नीजि तथा आवासिय विद्यालयको खेलकुद कार्यक्रम प्याब्सन स्पोर्टस मिटको उदघाटन गर्दै भन्नुभयो-संविधान निर्माणमा सबै एकजुट हुनुपर्छ । उहाँले सबै जातजाति भाषा सस्कृतिको प्रत्यक्ष सहभागितामा नयाँ संविधान निर्माण गर्नुपर्ने खाँचो औंल्याउँदै यतिबेला सिगों मुलुक यतिबेला एकढिक्का हुनुपर्ने खाँचो औल्याउनुभयो ।

नयाँ संविधान निर्माण विना मुलुकमा दिगो शान्ति र समुन्नत नेपालको भविष्य कोर्न सकिदैन् । उहाँले भन्नुभयो । लोकतान्त्रिक गणतन्त्र नेपालको संविधान सबल बनाउन पनि सबै एकजुट हुनुपर्ने अवस्था आएको छ । उहाँको भनाई थियो । प्याब्सन स्पोर्टस मिटको उदघाटन समारोहमा सरिक हुनुभएका सभामुख नेम्वाङले खेलकुद प्रसंग उठाउँदै पोखरा रंगशालाको विकासको लागि सरकारको ध्यानाकर्षा गराउनुभयो । स्पोर्टस मिटले मुलुकको खेलकुद विकास गर्न महत्वपुर्ण योगदान दिने छ । उहाँले भन्नुभयो-खेलकुदको विकासबाटै नयाँ नेपालको परिकल्पना सकन्छ । सोही अवसरमा कास्कीका सभासद रविन्द्र अधिकारीले नयाँ नेपालको परिकल्पनासँगै संविधान कोर्न दौरानमा उभिएको अबस्थामा राजनीतिक दलहरुले विभिन्न बाहनामा किचलो निकाल्न नहुने अभिव्यक्ति दिनुभयो । संधिवान निर्माण नै मुलुकको पहिलो कार्य हो । उहाँले भन्नुभयो-त्यसको लागि सबै राजनीतिक दलहरु आरोप प्रत्यारो छोडेर सहमतिमा आउनुपर्छ ।