पोखरा, १२ मंसिर/सूचना तथा सञ्चारमन्त्री कृष्णबहादुर महराले माओवादी लडाकुलाई नेपाली मौलिकता अनुसार समायोजन गरिने बताउनुभएको छ । उहाँले सेना समायोजनको विशेष समितिमा काँग्रेसको सिट सुरक्षित राखिएको बताउँदै काँग्रेस विशेष समितिमा नआएपनि समायोजन प्रक्रिया अगाडि बढ्ने जानकारी दिनुभयो । माओवादी लडाकुलाई विदेशी मोडालिटीमा नहेरी नेपाली मौलिकता अनुसार समायोजन गरिनुपर्छ । उहाँले बिहीबार पोखरा विमानस्थलमा सञ्चारकर्मीसित कुराकानी गर्दै भन्नुभयो । अहिले सम्म माओबादीले मान्दै आएको लोकतान्त्रिक गणतन्त्रको कार्यनिती सकिएको वताउँदै माओबादी प्रवक्ता समेत रहनुभएका उहाँले नेपालमा नयाँ खालको मौलिक जनताको संघीय लोकतान्त्रिक राष्ट्रिय गणतन्त्र लागू हुने स्पष्ट पार्नुभयो ।

नयाँ गणतन्त्रको स्वरुप अध्यक्ष प्रचण्ड र बरिष्ठ नेता किरण बैद्यको प्रतिबेदन समायोजन गरेर, बन्ने प्रतिबेदनले स्पष्ट पार्ने समेत मन्त्री महराले जानकारी दिनुभयो । दुबै प्रतिबेदन शंलेषण गर्ने जिम्मा पार्टीअध्यक्ष प्रचण्डलाई दिईएको र त्यसलाई केन्द्रिय कमिटीको बैठक बसेर पारित गरेपछि, माओबादीको नयाँ कार्यनिती लागू हुने छ । उहाँको भनाई थियो । माओबादीको उद्देश्य जनगणतन्त्र स्थापना गर्नु नै भएकोमा सबैलाई स्पष्ट हुन सचेत गराउँर्दै मन्त्री महराले तर अरुले सोचे जस्तो एकदलिय र तानाशाही गणतन्त्र माओबादीले ल्याउन नखोजेको प्रष्ट पार्नुभयो । संसदीय गणतन्त्र भन्दा नेपाली जनताको मौलिकता बोकेको जनगणतन्त्र ल्याउने छौं । उहाँले भन्नुभयो ।

उता नेपाली काँग्रेसका कार्यबहाक सभापति शुशिल कोइरालाले नेपाली काग्रेसलाई कुनैपनि जनगणतन्त्र स्वीकार्य नहुने बताउनुभएको छ । मन्त्री महराभन्दा झण्डै आधा घण्टा ढिला पोखरा विमानस्थलमा उत्रिनुभएका कोइरालाले सञ्चारकर्मीसित कुराकानी गर्दै काँग्रेसलाई जनगणतन्त्र कुनै पनि हालतमा स्वीकार्य नहुने दोहोर्‍याउनुभयो । काँग्रेसका जागरण अभियानको लागि पोखरा आउनुभएको कार्यबहाक सभापति कोइरालाले माओवादी लडाकुलाई राष्ट्रिय सेनामा समायोजन गर्न नहुने अडान राख्नुभयो । राष्ट्रिय सेनामा माओवादी लडाकुलाई समायोजन गर्नुहुन्न । उहाँले भन्नुभयो-राष्ट्रिय सेनाबाहेक अन्यत्र सुरक्षा निकायमा समायोजन गरिनुपर्छ । उहाँले लडाकुलाई नेपाल प्रहरी र शसस्त्र प्रहरीसँगै औद्योगिक सुरक्षाबल गठन गर्नुपर्ने आशय व्यक्त गर्नुभएको थियो ।

माओवादीको नेतृत्वमा गठित सेना समायोजनको विशेष समितिमा नेपाली काँग्रेसलाई समान हैसियत दिएको अवस्थामा समितिमा सहभागिता जनाउने बताउनुभयो । समितिमा समान हैसियत प्रदान गरे काँग्रेस सहभागि हुन्छ । कार्यबहाक सभापति कोइरालाले भन्नुभयो । उहाँले नेपाली काँग्रेस सरकारमा नजाने स्पष्ट पार्दै मुलुकको विकासको लागि स्थानीय निकायमा भने सहभागि हुने बताउनुभयो । काँग्रेसले भोलि शनिबार पोखराको अमरसिंह चोकको चौरमा जागरण सभा गर्दै छ ।