पोखरा, १३ मङ्सिर/ नेपाली काङ्ग्रेसले सुरु गरेको देशव्यापी जनजागरण अभियानअर्न्तर्गत पोखरामा गर्न लागेको बृहत् आमसभाको तयारी तीव्र रूपमा भइरहेको जनाएको छ । भोलि मङ्सिर १४ गते पोखरा अमरसिंहचौरमा हुने बृहत् आमसभालाई नेपाली काङ्ग्रेसका सभापति एवम् पुर्व प्रधानमन्त्री गिरिजाप्रसाद कोइरालाले सम्बोधन गर्नुहुने कार्यक्रम छ । नेपाली काङ्ग्रेस कास्कीका सभापति यज्ञबहादुर थापाले गण्डकी र धौलागिरिका नेता, कार्यकर्ता र र्सवसाधारण सहभागी हुने सो आमसभाको तयारी अन्तिम चरणमा पुगेको जानकारी गराउनुभयो ।
नेका केन्द्रीय सदस्य डा. शेखर कोइरालाको सहभागितामा गण्डकी धौलागिरिका जिल्ला सदरमुकाममा कार्यकर्ता भेला, कास्कीका चारै क्षेत्र र नगरपालिकाका वडामा घरदैलो अभियान जारी राखिएको काङ्ग्रेसका जिल्ला सचिव पोषनाथ शर्माले बताउनुभयो । नयाँ संविधान समयमै बनाउन जनदबाब सिर्जना गर्न र माओवादी र्सवसत्तावादका विरुद्ध खबरदारी गर्न काङ्ग्रेसले जनजागरण अभियान सुरु गरेको केन्द्रीय सदस्य दिलबहादुर र्घर्तीले बताउनुभयो ।