खस्यौली -रुपन्देही, ८ भदौ । रुपन्देही फुटवल सङ्घको आयोजना तथा बुटवल नगरपालिकाको प्रायोजनमा मङ्गलबारदेखि सुरु हुने १६ औँ तिलोत्तमा गोल्डकप फुटबल प्रतियोगिताको तयारी पूरा भएको छ । उक्त प्रतियोगितामा नेपालका ए डिभिजन क्लबसहित मोफसलका प्रतिष्ठित क्लब र भारत तथा भुटानको एक-एक क्लब गरी ११ क्लबको सहभागिता रहने छ । सानमिगल बियरको सह-प्रायोजन रहेको गोल्डकप भदौ २१ सम्म चल्नेछ । राजधानी बाहिरको र्सवाधिक धनराशिसहितको गोल्डकपको उद्घाटनमा आयोजक रुपन्देही ११ र सहारा क्लब पोखरा भिड्ने छन् ।