२७ कार्तिक,भक्तपुर/ वागेश्वरी उच्च माध्यमिक विद्यालयको आयोजनामा भएको माविस्तरीय बुद्धिचाल प्रतियोगितामा छात्रातर्फख्वप्रिङ स्कुलकी मतिना कुसी ६ अंकका साथ प्रथम भइन्। उनले अन्तिम चरणमा फोर नाइट खेल खेली जून स्कुलकी अन्जना दुवाललाई पराजित गरेकी थिइन्। अञ्जना (४) दोस्रा र वागेश्वरी उमाविकी संगीता कवा तेस्रा भएका थिए। जून स्कुलकी सजिता गोर्साई, समाजसुधारकी सविना दुवाल र बासु उमाविकी संगीता त्वायनाले क्रमशः चौथोदेखि छैटौं स्थान प्राप्त गरे। सो प्रतियोगितामा विभिन्न ३१ विद्यालयका विद्यार्थीको सहभागिता रहेको थियो।