काठमाडौँ, १ मंसिर - क्षेत्र नं. ३ काठमाडौँले क्षेत्र नं. ६ बैतडीलाई ७ विकेटले पराजित गरी बुस्ट यू-१७ राष्ट्रिय क्रिकेट प्रतियोगिताको उपाधि जितेको छ । त्रिवि अन्तराष्ट्रिय मैदानमा भएको फाइनल खेलमा वैतडीले टस जितेर पहिले व्याटिङ रोजेको थियो ।
 वैतडीले निर्धारित ४० ओभरमा ९ विकेट गुमाउदैँ १३२ रन जोडेको थियो । प्रतिउत्तरमा मैदामा उत्रेको काठमडौँले ३० ओभर ३ बलमा ३ विकेट गुमाउदै विजयी भयो । लिग चरणमा बैतडीले काठमाडौँलाई २० रनले हराएको थियो । फाइनलमा वैतडीका खेलाडीले राम्रो प्रदर्शन गर्न सकेनन् ।
 काठमाडौँका लागि विजय र आयुषले उत्कृष्ट सुरुवात गरे । उनीहरुले पहिलो विकेटका लगि १०६ रनको साझेदारी गरेका थिए । काठमाडौँका खेलाडीहरुको व्याटिङ आक्रमक रहेको थियो । अर्धशतक बनाउन २ रनको अपुग भएका आयुषले ७६ बलको सामना गर्दै ४ चौकाको मदतले ४० रनको योगदान दिएका थिए ।
 म्यान अफ दि म्याच विजयले ६९ बलमा ५ चौकाको सहायताले ४८ रन जोडेका थिए । बैतडीका लागि प्रदिप ऐरी ५ रन बनाउदै आउट भए पछि बैतडी काठमाडौँको दवावमा परेको थियो । वैतडीका लागि सुरेन्द्र बहादुर चन्दले र्सवाधिक २७ रन जोडे । विजयी टिमका लागि पृथृ र उज्जवलले ३-३ विकेट लिएका थिए ।
 लिग चरणमा १२५ रन बनाइ ७ विकेट लिएका वैतडीका प्रदिप म्यान अफ दि सिरिज, १५ विकेट लिएका पृथृ उत्कृष्ट बलर र १५० रन बनाएका विरगन्जका अमित उत्कुष्ट ब्याट्स म्यान घोषित भए ।