काठमाडौँ १ मंसिर - मानविय कल्याणका लागि पाटन जेसिसको आयोजनामा दशरथ रङ्गशालमा भएको मैत्रीपूण खेलमा नेपाल पुलिस क्लबलाई शून्यका विरुद्ध १ गोल गर्दै थ्रि-स्टार विजयी भएको छ । मैत्रीपूण खेल कोसी र पश्चिम बाढी पिडितहरुका लागि सहयोग जुटाउन पाटन जेसिसले आयोजना गरेको थियो ।
 नेपालमा ए डिभिजन लिग भै नरहेको वेलामा निकै शसक्त मानिने टिम मानिने दुइ महारथी नविल थ्रि-स्टार र नेपाल पुलिस विचको खेल निकै प्रतिस्पर्धात्मक रहेको थियो । विगतको आहा गोल्डको फाइनलपछि यि दुइ पहिलो पटक भिडेका थिए । आहा गोल्ड कपको हारको बदला लिन सफल थ्रि-स्टारका लागि परिवर्तित खेलाडी युगलकिशोर र्राईले ७८ औँ मिनेटमा प्रविण कार्कीको पासलाई सदुपयोग गर्दै उत्कृष्ट गोल गरेको थिए । ३० मिनेट मैदानमा रहेका एन्फाका अध्यक्ष गणेश थापाले थ्रि-स्टारका लागि २ सुन्दर अवसरलाई गोल गर्नबाट चुकेका थिए ।
 खेलको ६७ औँ मिनेटमा विजय गुरुङले गरेको हेडबल पुलिसका सुमन सुवेदीले बचाएक्ा थिए । रेफ्री लव खत्रीले ७१ औँ मिनेटमा पुलिसका पर्वत पाण्डेलाई दोहोरो पहेँलो कार्ड देखाएपखि पाण्डे मैदान छाड्न बाध्य भएका थिए । त्यसपछि नेपाल पुलिस १० खेलाडीमा समेटिएको थियो ।
 खेलमा नेपाल पुलिसका रविन्द्र श्रेष्ठ वेस्ट डिफेन्डर, थ्रि-स्टारका विजय गुरुङ वेस्ट मिडफिल्डर, किरण चेम्जोङ वेस्ट गोलकिपर, जुमुनु र्राई वेस्ट फरवार्ड र युगलकिशोर र्राई म्यान अफ दि म्याचको पुरस्कार प्राप्त गरे ।