पोखरा,३ मंसिर/मोफसलमा फुटबलको विकास गर्ने उद्देश्यसहित कास्की जिल्ला फुटबल संघले १२ र १४ वर्षमुनि तथा महिला फुटबल टोली बनाउने योजना बुनेको छ । पोखरा रंगशालाभित्र नव निर्मित फुटबल मैदानसँगै संघले फुटबलको विकास र विस्तार गर्न एकेडेमीकै रुपमा प्रशिक्षण शुरु गर्ने लक्ष्य लिएको छ । संघको सक्रियतामा झण्डै सात रुपियाँ खर्चमा नयाँ फुटबल मैदान निर्माण गरिएको छ । नयाँ फुटबल मैदानमा गोलपोष्ट गाडेपछि मंसिर मसान्तभित्रैमा बाल तथा महिला खेलाडी छनोट गरी नियमित प्रशिक्षण दिइने संघका अध्यक्ष खेमबहादुर गुरुङले बताउनुभयो । मोफसलमा फुटबलको विकास गर्ने अभियानसहित संघले मंसिरभित्रमा तीन टोली छनोट गरी नियमित प्रशिक्षण दिने योजना बनाएका छों । उहाँले भन्नुभयो-संघको बैठकले यसको निर्णयगरिसकेको छ ।

यु १२ र १४ तथा महिला फुटबल टोलीको लागि संघले र्सार्वजनिक सूचना नै जारी गरी प्रशिक्षणको लागि आमन्त्रण गर्ने उहाँले जानकारी दिनुभयो । यु १२ र १४ उमेर समुहमा २२/२२ जना खेलाडी छनोट गरिने अध्यक्ष गुरुङले बताउनुभयो । महिला टोलीमा १६ जना खेलाडी छनोट गरी नियमित प्रशिक्षण दिइने छ । खेलाडीको प्रशिक्षणको लागि एन्फाले दुई जना प्रशिक्षण राखेर प्रशिक्षण दिइने संघले जनाएको छ । संघका अनुसार एन्फाका प्रशिक्षक पुष्प केसीसहित अर्का एकजना थप प्रशिक्षक व्यवस्था गरी आलोपालो प्रशिक्षण गराउने उहाँले जानकारी दिनुभयो । नियमित प्रशिक्षणको लागि संघले १५ वटा बल समेत दिएको छ । छनोट गरिएको खेलाडीको उचित शिक्षादिक्षाको समेत व्यवस्था संघले गर्ने जनाएको छ । खेलाडी पढ्ने विद्यालयको शुल्कसम्म संघले तिर्ने छ । अध्यक्ष गुरुङले भन्नुभयो । संघले खेलाडीको शुल्क तिर्नको लागि आवश्यक प्रायोजन समेत खोजी गरिरहेको छ । व्यक्ति तथा प्रतिष्ठानलाई खेलाडीको प्रायोजन गर्न आहृवान गरेका छौ. । उहाँले भन्नुभयो । खेलाडीको नियमित प्रशिक्षणको लागि संघले विभिन्न गतिविधि सञ्चालन गरी आर्थिक संकलन गर्ने समेत उहाँले बताउनुभयो ।