पोखरा, ८ मंसिर/पोखरामा पहिलो पटक साग स्तरीय नेपाल गोल्डकप मिनि एशियन टेनिस बल क्रिकेट च्याम्पियसिप आइतबारदेखि पोखरामा शुरु भएको छ । पोखराको नदीपुरस्थित नगरप्रशिक्षणको खेलमैदानमा शुरुभएको उक्त प्रतियोगितामा नेपालको सांग्रिला क्रिकेट एकेडेमीले भारत विरुद्ध ४१ रनको जित दर्ता गरेको छ । नेपाली टोलीले एक बल बाँकी छदाँ ६४ रन बनाउँदै अलआउट बनेको थियो । टस जितेर व्याटिङ गरेको नेपाली टोलीका आकाश गुप्ताले र्सवाधिक १० रन बनाउँदा अन्य व्याट्स म्यान सस्तैमा समेटिएका थिए । गुप्ता छक्का हान्दै आउट भएका थिए । पहिलो अनुभव सँगालेका नेपाली खेलाडीले आपसी असझदारीले अधिकांश विकेट सस्तैमा रनआउट भएका थिए ।


भारतका लागि तसलिनले २ विकेट लिएका थिए । ६५ रनको लक्ष्य दिएको भारतीय टोली केवल ९ ओभरमा २२ रनमै समेटिदाँ नेपाली टोलीले ४१ रनको विजयी हासिल गर्दै महत्वपुर्ण तीन अंक जोडेको छ । ९ ओभर खेल्ने क्रममा भारतीय टोलीबाट र्सवाधिक रन भने रिन्कुको नाममा ६ रन थियो । रनआउट हुदैं पवेलियन र्फकने क्रमले निरन्तरता पाएपछि नेपाली टोलीले सहज विजय हासिल गरेको हो । नेपाली टोलीका लागि थुप्रिन र शिवले क्रमश दुई र एक विकेट लिएका थिए । यसैगरी दोस्रो खेलमा बंगलादेशले श्रीलंकामाथि सहज जितको परिणाम निकालेको छ । व्याटिङ गर्न मैदानमा ओर्लिएको बंगलादेशी टोलीले पहिलो तेस्रो ओभरमै सनसनीपुर्ण ३५ रन बनाउँदा श्रीलंकाली बलर फिक्का बनेका थिए । बंगालादेशले निर्धारित १२ ओभर पुरै खेल्दै ९५ रनको स्कोर बनाएको थियो ।

बंगलादेशी रसिलले र्सवाधिक २७ रनको महतपुर्ण योगदान दिदैं सम्मानजनक स्कोरमा पुर्‍याएका थिए । ९६ रन पछ्याएको श्रीलंकाली टोली भने ४१रनमै समेटिएको थियो । बंगलादेश दोस्रो टेनिस बल क्रिकेटको च्याम्पियन पनि हो । श्रीलंकाको लागि त्रिनेश र शुशिलले क्रमश १५ र १३ रन जोडेका थिए । बगलादेशको लागि इमरान र मुरादले दुई/दुई विकेट लिए । कास्की जिल्ला क्रिकेट संघका अध्यक्ष डा विरेन्द्रसिंह गुरुङले रेप|mी फारुख जमाललाई बल हस्तान्तरण गरी प्रतियोगिताको उदघाटन गर्नुभएको थियो । लिगकम नकाउटको आधारमा खेलाइने छ । प्रतियोगितामा नेपाल, बंगलादेश, श्रींलका र भारतका टोलीको सहभागिता रहेको छ ।