• Email to friend
• Add to Bookmark
• Send your feedback
• Printer Friendly

पोखरा, १० मंसिर/पोखरामा आयोजित टेनिस बल क्रिकेटको उपाधि बंगालदेशी टोलीले जितेको छ । पोखराको नदीपुरस्थित नगरप्रशिक्षण केन्द्रको खेलमैदामा मंगलबार सम्पन्न फाइनल प्रतिस्पर्धामा बंगलादेशी टोलीले विना विकेटको क्षतिमा उपाधिमाथि कब्जा जमाएको हो ।
 टस जितेर व्याटिङ रोजेको नेपाली संग्रिला क्रिकेट एकेडेमीले निर्धारित १२ ओभरमा केवल १० ओभरमात्रै खेलेर केवल २३ रनको झिनो स्कोर तयार पारेको थियो । फाइनल खेलको लागि उत्साहित बनेपनि नेपाली व्याटिङ लाइनले कमजोर प्रदर्शन गर्दा सामान्य योगफलमै समेटिन पुगेको थियो ।
 पहिलो ओभरमै दुईविकेट गुमाएको नेपाली टोलीका लागि दोहोरो अंकको रन भने कुनैपनि व्याट्सम्यानले जोड्न अफसल रहे । आकास गुप्ताले एक चौकासहित र्सवाधिक ९ रन बनाएर आउट भएपछि मध्यक्रमका व्याट्सम्यान खाता नखोल्दै आउट भएका थिए । पहिलो दुई ओभरमा तीन विकेट गुमाएर दवावमा परेको नेपाली टोलीको लागि बंगलादेशी बलर खतरानाक सावित बनेका थिए । राजीवले बंगलादेशको लागि २ विकेट लिएका थिए ।
 निर्धारित पुरा ओभर समेत खेल्न नसकेका नेपाली टोलीका खेलाडीमा धर्ैयताको खाँचो देखिएको थियो । त्यसो त खेलाडीहरु बीच रन लिदाँ देखिएको असमझदारीले पनि सस्तैमा रनआउट हुन पुगेका थिए । २४ रनको लक्ष्य पछ्याएको बंगालादेशी टोलीले केवल ४ ओभरमै विना विकेटको क्षतिमा लक्ष्य पाउँदा दोस्रो इनिङ आधाघण्टा नवित्दै सकिएको थियो ।
 प्रारम्भिक व्याट्सम्यान मोहम्मद हसन र मोहम्मद इमरानको जोडीले चौथो ओभरमा खेललाई टुग्याएका थिए । तेस्रो ओभरसम्म २० रनमा खेलिरहेको बंगलदेशी टोलीले चौथो ओभरको अन्तिम बलमा हसनले चौका हान्दै विजय दिलाउँदै उपाधि कब्जा गरेका हुन् । इमरानले दुईचौकासहित ९ र हसनले तीनचौका सहित १३ रन हिर्काएका थिए । नेपाली टोलीका बलर विधान श्रेष्ठले दुइ मेडन राखेका थिए ।
 नेपाल टेनिसबल क्रिकेट फेडेरेशनको आयोजनामा लिगकम नकाउटको आधारमा सञ्चालित नेपाल, भारत, श्रीलंका र बंगलादेश टोली सम्मलित नेपाल गोल्डकप मिनि एशियन टेनिसबल क्रिकेट च्याम्पियनसिपमा विजेता तथा उपविजेता टोलीलाई नेपाल क्रिकेट एशोसियनसन(क्यान)का उपाध्यक्ष एवं कास्की जिल्ला क्रिकेट संघका अध्यक्ष डा विरेन्द्रसिंह गुरुङ, पश्चिमाञ्चल खेलकुद विकास समितिका प्रमुख एवं कार्यलयका सदस्य सचिव मधुसुदन बस्नेत लगायतले च्याम्पियनसिप ट्रफी, पदक तथा प्रमाणपत्र वितरण गर्नुभएको थियो ।