लमजुङ, ११ मङ्सिर/ लमजुङको सदरमुकाम बेसीसहरमा मङ्गलबारदेखि गाविसस्तरीय छनौट फुटबल प्रतियोगिता सुरु भएको छ । नेपाल गणतान्त्रिक खेलकुद महासङ्घ, लमजुङको आयोजनामा भएको सो प्रतियोगितामा जिल्लाका विभिन्न गाविसका गरी ४४ टोलीको सहभागिता रहेको छ । सो प्रतियोगिताको हिजो एक समारोहबीच नेपाल गणतान्त्रिक खेलकुद महासङ्घका अञ्चल प्रमुख नरबहादुर पुनमगरले सदरमुकामस्थित सहजी खेल मैदानमा उद्घाटन गर्नुभयो ।

प्रतियोगिता उद्घाटन सत्रमा अतिथि समूह र आयोजक टोलीबीच मैतपुर्ण खेल गरिएको थियो । जसमा आयोजक टोली ३-१ ले विजयी भयो । गाविसबाट छनौट भएका खेलाडीहरूलाई तनहुँमा आयोजना हुने अञ्चलस्तरीय फुटवल प्रतियोगितामा सहभागी गराउने र त्यहाँबाट छनौट भएकालाई पोखरामा पुस २६ गतेबाट हुने राष्ट्रिय प्रतियोगितामा सहभागी गराउने आयोजक समितिका संयोजक जनक महताराले बताउनुभयो ।