पोखरा, १४ मंसिर/ पोखरा स्थित हिमालयन गल्फ कोर्षा संचालित सुर्य नेपाल वेर्स्र्टन ओपल गल्फ प्रतियोगिता अन्तरगत शनिबार सम्पन्न प्रोएम तर्फो उपाधि पशुपति शर्माको टिमले जितेको छ । स्टेवलर्फड फरम्याटको आधारमा खेलाईएको उक्त प्रतिस्पर्धामा पशुपति शर्मा, मदन गुरुङ, एसपी राजेन्द्र श्रेष्ठ र राजु सापकोटा सहितको टोलीले कूल १ सय ३१ पोईन्टको संयुक्त अंक बटुल्दै विजयी भएको थियो । कूल १ सय २७ पोईन्ट अंक बटुलेको युवा गल्फर शिवराम श्रेष्ठको टिमले दोस्रो स्थान हासिल गर्यो । शिवरामलाई दिल गुरुङ, प्रशन्न उप्रेती र जेवी गुरुङले साथ दिएका थिए । त्यसैगरी सन्जय लामा, आङ्गछिरिङ शेर्पा, मेजर धमेन्द्र गुरुङ र राजन थापाको टिम कूल १ सय १४ पोईन्टको संयुक्त स्केर जोड्दै तेस्रो भयो ।

प्रतियोगिता अन्तरगत कूल ३९ पोईन्टको उत्कृष्ठ अंक ल्याएर पोखराका मदन गुरुङ बेस्र्टर् इन्डिभिजुवल तर्फप्रथम भए । उपविजयी बनेका दिल गुरुङले कूल ३५ पोईन्ट बनाएका थिए । त्यसैगरी १३ औं होलमा राखिएको लङ्गगेष्ट ड्राईभको उपाधि पनि मदन गुरुङले जितेका थिए । प्रतियोगितामा निरज राना क्लोजेस टु द पिन र मिसेस पार्क लेडीज वीनर बन्न सफल भए । शनिबारको खेल पश्चात विहिबार र सुक्रबार सम्पन्न ३६ होलमा प्रतिस्पर्धा गरेका ब्यवसायी र एमेच्योर तर्फा सम्पुर्ण खेलाडीलाई समेत एक समारोह विच पुरस्कार प्रदान गरिएको थियो । प्रतियोगितामा विजेता बनेका सवै खेलाडीहरुलाई नेपाल प्रोफेसनल गल्फ संघका अध्यक्ष रविन्द्र मान श्रेष्ठले पुरस्कार प्रदान गरेका थिए ।