ललितपुर, १५ मङ्सिर/ नेपाली काङ्ग्रेस ललितपुर जिल्ला खेलकुद शाखाको आयोजनामा भोलिदेखि यहाँ प्रथम उपत्यकाव्यापी आमन्त्रण तेक्वान्दो प्रतियोगिता सञ्चालन हुने भएको छ । तीन दिनसम्म सञ्चालन हुने प्रतियोगितामा पुरुष सिनियर र जुनियर, महिला सिनियर र जुनियर गरी १५ विधामा प्रतिस्पर्धा गराइने बताइएको छ । नेपाली काङ्ग्रेस ललितपुरका सभापति चन्द्र महर्जनले प्रतियोगितामा २२ वटा टिमका ३३० जना खेलाडीले प्रतिस्पर्धा गर्ने जानकारी दिनुभयो ।

प्रतियोगिताको कुल लागत रु तीन लाख ५० हजार रहेको छ, जुन नेपाली काङ्ग्रेस ललितपुरले व्यहोर्ने सभापति महर्जनले बताउनुभयो । राजनीतिक पार्टीलेले पनि युवा क्षमता अभिवृद्धि हुने खालका गतिविधि सञ्चालन गर्नुपर्छ भनेर प्रतियोगिता आयोजना गरिएको सभापति महर्जनले बताउनुभयो ।