१२ भदौ,कपिलबस्तु/ कपिलबस्तुको सुदुर पश्चिम शिबपुर गाबिस-६, हलौडीया नजिक बुधबार साँझ अज्ञात समुहले गरेको गोली प्रहारबाट एक माओबादी कार्यकर्ताको मृत्यु भएको छ भने अर्का एक सख्त घाईते भएका छन् । यसरी गोली प्रहार गरि हत्या गरिएकामा माओबादी कार्यकर्ता २८ बर्षका आषिश घर्ती रहेका छन् भने सख्त घाईते हुनेमा चुडाबहादुर खडका रहेको कुरा जिल्ला प्रहरी कार्यालले जनाएको छ । खडकाको अबस्था पनि चिन्ताजनक रहेको छ ।गोली प्रहारबाट सख्त घाईते भई उपचारका लागि बुटबल स्थित लुम्बिनी अंचल अस्पताल लगिएका घाईतेको उपचार गर्दा गर्दै आषिशको मृत्यु भएको हो ।
 घटनाको जिम्मेबारी तराई जनतान्त्रिक मुक्ति मोर्चा ज्बाला सिंह समूहले लिएको छ । ईलाका ईन्चार्ज अजय सिंहको नेतृत्बमा गएको टोलीले उक्त हत्या गरेको कुरा ज्बाला सिंह समूहका एक नेताले बताएका छन् । यसैबीच घटनामा संलग्न भएको आरोपमा शेलेन्द्र चौधरीलाई प्रहरीले प्रकाउ गरेको छ । उनीबाट नाईन एमएमको एक थान अमेरिकन पेस्तोल पनि पक्राउ गरेको कुरा प्रहरीले जनाएको छ ।