काठमाण्डौं, १२ भदौ/मर्यादाक्रमको बिवाद टुंगिएपछि भोली एमालेका मन्त्रीहरुले सपथ लिने भएका छन । माओबादी संसदीय दलको कार्यालय सिंहदरवारमा प्रधानमन्त्री एवं माओबादी अध्यक्ष प्रचण्ड एवं एमाले महासचिव झलनाथ खनालबीच भएको छलफलमा एमालेको तर्फवाट सरकारमा नेतृत्व गर्ने बामदेव गौतमलाई दोश्रो मर्यादाक्रममा राख्ने सहमति भएपछि एमाले सरकारमा सहभागि हुने भएको हो ।६ दिन अघि माओबादी र मधेसी जनअधिकार फोरमका मन्त्रीहरुले सपथ लिएपनि एमालेले अन्तिम अवस्थामा सपथ नलिने बताएको थियो । 
 
 
प्रधानमन्त्रीपछिको दोश्रो मर्यादाक्रममको दाबी गरिरहेको एमालेले त्यसो नभए सरकारमा सहभागि नहुने बताएको थियो । एमाले महासचिव झलनाथ खनालले मर्यादाक्रममो बिवाद टुंगिएकोले एमालेका मन्त्रीहरु भोली सपथ ग्रहणमा सहभागि हुने जानकारी दिनुभयो । तर उहाँले यसअघि सिफारिस गरिएका ६ नाउमा कुनै फेरवदल नहुने बताउनुभयो ।यसअघि सो पार्टीले गौतम सहित, रामचन्द्र झा, किरण गुरुङ, बिष्णु पौडेल, अष्टलक्ष्मी शाक्य र गोपाल शाक्यलाई मन्त्रीमण्डलमा सिफारिस गरेको थियो । तर एमाले केन्दि्रय सदस्य भिम रावल लगायतका केही केन्दि्रय सदस्यले सुदुर पश्चिम तथा महिलालाई उपेक्षा गरेको भन्दै पार्टीप्रति सार्वजनिक रुपमै असन्तुष्टि ब्यक्त गरेका थिए ।