चौतारा, १२ भदौ । सिन्धुपाल्चोकको एक उच्च माविको स्टोरकोठामा तीन दिनअघि फेला परेका १० वटा सकेट बम नेपाली सेनाको बम डिस्पोजल टोलीले आज दिउँसो निस्क्रिय पारेको छ ।

नेपाली सेनाको बम डिस्पोजल टोलीले सुरक्षित तवरबाट ती बमहरू निस्क्रिय तुल्याएको जिल्ला प्रहरी कार्यालयले जनाएको छ ।

सिन्धुकोट गाविसस्थित सिन्धुपुरानागाउँ उच्चमाविको स्टोरबाट गत मङ्गलबार बिहान उक्त बमहरू बेवारिसे अवस्थामा फेला परेका थिए । बेचल्ती अवस्थामा रहेको स्टोरबाट बमहरू फेला परेपछि आतङ्कित भई विद्यालयको पठनपाठनसमेत बन्द गरी प्रहरीले सुरक्षा प्रदान गर्दै आएको थियो ।