१५ मंसिर, हेटौडा/ बिगत तीन दिनदेखि बन्द रहेका हेटौंडाका उद्योग खुलाउन अहिले उद्योगी ब्यवसायी र मजदुर प्रतिनिधिबिच वार्ता भइरहेको छ । हेटौंडा औद्योगिक क्षेत्रभित्र जारी वार्तामा उद्योग संघ, उद्योग बाणिज्य संघका प्रतिनिधि, औद्योगिक क्षेत्रका प्रबन्धक रत्नहरी गौतम र मजदुर प्रतिनिधिहरु सहभागि रहेका छन् ।

सरकारले तोकेको न्युनतम तलबसुबिधा पाउनुपर्ने माग गर्दै आन्दोलनमा उत्रिएका मजदुरहरुले छुट्टाछुट्टै उद्योग ब्यवस्थापनसंग सहमति गरी आजबाट १४ उद्योग संचालन गर्न दिएपनि अझै तीन दर्जन उद्योग बन्द नै रहेका छन् । यता बिहान ८ बजे मजदुरहरुले हेटौडा औद्योगिक क्षेत्रको मूलगेटमा ताला लगाएका छन् । मुल गेटमा ताला लगाएका कारण हेटौडाबाट कमानेतर्फ चल्ने यातायात ठप्प भएको छ । वार्ता सकारात्मक रुपमा अघि बढिरहेको बताइएको छ ।