१५ मङ्सिर,काठमाडौं/ बेपत्ता भएको १२ दिनपछि हत्या गरिएका ताहाचलनिवासी दुइ विद्यँर्थीको शनिबार दाहसंस्कार गरिएको छ। सरकार र नागरिक संर्घष समितिबीच शुक्रबार पाँचबुँदे सहमति भएपछि सोही दिन पोस्टमार्टम गरिएका दुवै जनाको शनिबार दाहसंस्कार गरिएको हो। दुवै जनाको छुट्टाछुट्टै स्थानमा दाहसंस्कार गरिएको थियो। मृतकमध्ये रीतेश रौनियारको पशुपति आर्यघाट र आशिष मानन्धरको टंकेश्वरी घाटमा दाहसंस्कार गरिएको थियो। रीतेशको बिहान ११:३० र आशिषको दिउँसो ३:३० बजे अन्तिम श्रद्धाञ्जलीपछि दाहसंस्कार गरिएको थियो। शिक्षण अस्पतालमा पोस्टमार्टमपछि दुवै शव आर्यघाटमा लगिएको थियो।

मंसिर ३० गते घरबाट मोबाइल फिर्ता गर्न छाउनीतर्फलागेका दुवै जनाको शव चिन्नै नसकिने अवस्थामा काठमाडौं जिल्लाको महादेवबेसी-४, गुमाली सामुदायिक वनको खोंचमा फेला पारिएको थियो। अन्तिम श्रद्धाञ्जली दिन उनीहरू पढेका दुवै विद्यालयका विद्यार्थी, शिक्षँक, अभिभावक र आफन्त आर्यघाटमा पुगेका थिए। रौनियार बाफलस्थित विल्सन एकेडेमी र मानन्धर भुरुङखेलस्थित न्यु जेनिथ स्कुलमा ९ कक्षामा पढ्दै थिए। रौनियार र मानन्धरको शवमा ठूलो संख्यामा उपस्थित समुदायले अन्तिम श्रद्धाञ्जली अर्पण गरेका थिए। रौनियारको उनकै बुबा विनोद रौनियार र मानन्धरको बाजेले दागबत्ती दिनुभएको थियो। अन्तिम श्रद्धाञ्जली दिन आर्यघाट पुगेका दुवै विद्यार्थीका अभिभावक, शिक्षँक र आफन्त भक्कानिएका थिए। हत्यारालाई कारबाही नगरे आन्दोलन गर्न पछि नपर्ने उनीहरूले बताए।