तुलसीपुर -दाङ,१५ मङ्सिर/ दाङ जिल्लामा एक हजार ४१४ जना क्षयरोगी रहेको एक तथ्याङ्कले जनाएको छ । राष्ट्रिय क्षयरोग दिवसको अवसर पारेर राष्ट्रिय क्षयरोग केन्द्र दाङले गरेको अन्तरक्रिया कार्यक्रममा यस्तो जानकारी गराइएको हो । नेपालमा अझै पनि ८० देखि ९० हजार मानिसहरुलाई कुनै न नकुनै प्रकारको क्षयरोगले सङ्क्रमण गर्ने गरेको जानकारी दिइएको थियो । अहिले क्षयरोगको औषधि स्वास्थ्य सँस्थाबाट निःशुल्क रुपमा वितरण भए पनि जनस्तरमा यसको पहुँच पुग्न नसकेकाले चेतनामूलक कार्यक्रमलाई अझै ग्रामीण स्तरमा पुर्‍याउनुपर्नेमा वक्ताहरुले जोड दिए ।