परासी, १६ मङ्सिर/ न्वलपरासी जिल्लाको सरावल गाविस, वडा नं. ३ स्थित हरेराम तेलीको घरमा हातहतियारसहित लुटपाट गर्न आएका लुटेरामध्येका दुइ जनालाई प्रहरीले आज पक्राउ गरेको छ । पक्राउ पर्नेमा एक जना भारतीय नागरिक रहेको थाहाभएको छ । पाँचजनाको समूहमा आएका लुटेरामध्ये पक्राउ पर्नेमा नवलपरासी जिल्लाकै देवगाउँ गाविस, वडा नं. ६ का वीरेन्द्र केवट र भारत, महाराजगञ्जका पञ्च्राम यादव छन् । अभियुक्तहरूबाट केही थान गोली र घरेलु हतियार बरामद भएको जिल्ला प्रहरी कार्यालय, नवलपरासीले जनाएको छ । लुटेराहरूको प्रतिकार गर्दा घरधनी तेली घाइते भएका छन् ।