१६ मंसिर, जनकपुरधाम/ तराईमा सशस्त्र संघर्षरत संयुक्त जनतान्त्रिक तराई मुक्ति मोर्चाले युद्ध विराम घोषणा गरेको छ । मोर्चाद्वारा आज सरकारलाई पठाईएको पत्रमा वार्ताको लागि सकरात्मक वातावरण तयार गर्न युद्ध बिराम घोषणा गरिएको उल्लेख छ । त्यसैगरी आपसी समझदारीवाट वार्ताको मीति र स्थान तय गर्न आग्रह गर्दै मोर्चाले पक्राउ परेका कार्यकर्तालाई तत्काल मुक्त गर्न, तथा मोर्चाका कार्यकर्तालाई धरपकड र ज्यादती नगर्न सरकारलाई सचेत पारिएको छ । सरकारसगको अनौपचारिक वार्तामा यसअघि मोर्चाका नेताहरु सहभागि भईसकेका छन ।