वासिङटन, ६ मङ्सिर/ गएराति भाषण दिंदा दिंदै बेहोस भएर ढलेपछि अमेरिकी महान्यायाधिवक्ता माइकल मुकासेलाई अस्पताल भर्ना गरिएको छ । आतंकवादको विषयमा करिव १५-२० मिनेट बोलेपछि मुकासेको शरीर काँप्न र उनका शब्दहरु लर्बरिन थालेका थिए । एक शब्दमा गएर उनको बोली अड्किएपछि उनको टाउको झुक्यो र उनी भूइँमा लडे । न्याय मन्त्रालयका प्रवक्ता पिटर केयरले मुकासे होसमा रहेको र बोल्न सक्ने भएको बताए । उनलाई गएराति नै जर्ज वासिङटन यूनिभर्सिटी हस्पिटल भर्ना गरिएको थियो ।