वासिङगन, ८ मङ्सिर/ अमेरिकी राष्ट्रपति निर्वाचित बाराक ओबामाले सोमबार न्यू योर्क फेडरल रिजर्भका अध्यक्ष टिमोथी गेइथनरलाई वित्त मन्त्रीको लागि मनोनयन गर्नु हुने अमेरिकी अधिकारीहरुले बताएका छन् । सिनेटले उहाँको चयनमा स्वीकृत दिए ४७ बर्षिय टिमोथी विश्वव्यापी वित्तीय संकटसँग सामना गर्ने ओबामा प्रशासनका वरिष्ठ मन्त्री बन्न पुग्नेछन् । शुक्रबार यो खबर फैलिएपछि दाओ जोन्स सूचकाँकमा ५०० प्वाइन्टबाट बृद्धि देखिएको थियो ।

पुर्व राष्ट्रपति बिल क्लिन्टनको कार्यकालमा वित्तमन्त्री रहेका लरेन्स र्समर्सले वित्तीय संकटबाट धराशायी भएका थुप्रै प्रतिष्ठानहरुको उद्धार कार्यमा समन्वय गर्न ओबामाबाट मनोनित हुनु हुने अमेरिकी अधिकारीहरुले बताएका छन् । गुइथनर र र्समर्स दुवै सोमबार बिहान सिकागोमा ओबामासँग एक पत्रकार सम्मेलनमा उपस्थित हुने बताइएको छ । साथै ओबामाले आगामी दुइ वर्षभत्र संयुक्त राज्य अमेरिकामा २५ लाख नयाँ रोजगारी सिर्जना गर्ने वाचा गर्नुभएको छ ।