हवाना, १४ मङ्सिर । रुसी राष्ट्रपति डिमित्री मेडभेडेभले क्युवाली नेता फिडेल क्याष्ट्रोसँगको वार्ता निकै फलदायी भएको बताउनुभएको छ ।

"दुई नेताबीच रुस-क्युवाबीच सहयोगसहित विकासका विभिन्न पक्षहरू र अन्तरराष्ट्रिय राजनीतिक परिदृष्यमा गम्भीर विचार विमर्स भएको छ ।"- मेडभेडेभका प्रबक्ता नातालिया तिमाकोभाले रुसी सञ्चारमाध्यमलाई बताउनुभयो ।

"मेडभेडेभ र क्याष्ट्रोबीच एक घण्टाभन्दा बढी वार्ता भएको छ ।"- उहाँले भन्नुभयो । यस अघि नोभेम्वर १९ मा चिनियाँ राष्ट्रपति हु जिन्ताओ र क्युवाली नेता फिडेल क्याष्ट्रोवीच वार्ता भएको थियो ।

"मेरा लागि यो भेट अबिस्मरणीय भएको छ ।" विरामी क्युवाली नेता क्याष्ट्रेले भन्नुभयो । क्याष्ट्रोले अमेरिकासँगको सम्बन्ध लगायतका विबिध क्षेत्रमा ठोस वार्ता भएको जानकारी दिनुभयो ।

"रुस क्युवाली नेता राउलक्याष्ट्रोको भ्रमणको प्रतिक्षामा छौं । क्याष्ट्रोको रुस भ्रमणका अवसरमा रुस र क्युवाबीच नयाँ सम्झौताका लागि जुट्न हामी तयारीमा छौं" - उहाँले भन्नुभयो ।