विजय नेपाल,पोखरा, ५भदौ/ श्री कृष्ण जन्मास्टमीको अवसरमा यही भाद्र ७ गते पोखरामा श्रीकृष्ण जन्मोत्सव पर्व आयोजना गरिने भएको छ । राष्टिय परोपकार महासंघ, विश्वहिन्दु महासंघ र बोलबम समिति पोखराको संयूक्त आयोजनामा पोखराको चिप्लेढुंगामा साँझ ६ बजेदेखि मध्यरात १२ बजे सम्म हुने कार्यक्रममा भगवान श्रीकृष्णसम्बन्धि कथा प्रवचन, नाटक, नृत्य, कृष्ण झुला लगायतका प्रस्तुति हुने छन् । साथै कृष्ण जन्माष्टमीको दिन नदिपुरस्थित नारयणस्थानबाट शोभायात्रा सुरु गरी पोखरा बजार परिक्रमा गरेर विन्ध्यवासिनी मन्दिरमा पुगी टुंगिने पोखरामा आज आयोजित पत्रकार सम्मेलनमा राष्टिय परोपकार महासंघका अध्यक्ष पण्डित कमलनयन गौतमले बताउनुभयो ।
 
 र्याली, झाँकी सहित हुने सो शोभायात्रा पछि हुने प्रवचन कार्यक्रममा पण्डित गौतमले प्रवचन दिनुहुने बोलबम समितिका संयोजक शंकर खरालले जनाउनुभयो । पत्रकार सम्मेलनमा बरिष्ठ पत्रकार कृष्ण प्रसाद बास्तोला, भजन सम्राट पेमजंग गुरुङ, पत्रकार दिननाथ बराल, बोल बम समितिका उपाध्यक्ष बासु देव पराजुली लगायतले यस्ता पर्वहरु पोखरामा निरन्तर रुपमा आयोजना हुनु पर्ने बताउनु भयो । यसअघि गतवर्षरामबजारमा भएको सो कार्यक्रम पोखरामा दोस्रो पटक हुन लागेको हो ।