पोखरा, ५ भदौ/नेपाल राष्ट्र बैंक नियमन विभागका कार्यकारी अधिकृत नारायणप्रसाद पौडेलले राष्ट्र बैंकको निति नियम तथा निर्देशनको पालना गरेर बैंकिङ सेवा प्रदान गर्न बैंकहरुलाई अनुरोध गर्नुभएको छ । उहाँले आज पोखरामा गरिमा बैंकको शाखा उद्घाटनका अवसरमा बोल्दै उक्त कुरा बताउनुभएको हो ।
उहाँले शाखा खोल्नु ठुलो कुरा नभएको बताउदै अहिले बित्तिय प्रतिष्पर्धामा त्यसलाई संस्थागत गर्नु चुनौती पुर्ण रहेको बताउनु भयो। उहाँले जति धेरै बित्तिय सस्था स्थापना हुन्छन सरकारलाई पनि राजस्वमा फाईदा पुग्ने बताउनु भयो । नेपाल राष्ट्रबैंक पोखराका मुख्य व्यवस्थापक शिवनाथ पाण्डेले बैकको निति नियममा रहेर काम गर्न आग्रह गदै बैकले बित्तिय सस्थाको प्रतिस्पर्धामा आफनो क्षयमता प्रस्तुत गर्न सक्ने विश्वास ब्यक्त गर्नु भयो । स्याङजाको बालिङमा केन्द्रिय कार्यालय रहेको गरिमा विकास बैंकले पोखरामा चौथो शाखाको रुपमा स्थापना गरेको छ ।

सभागृहचोकमा स्थापना गरिएको शाखाको विहिबार उद्घाटन गर्दै बैंक संचालक समितिका अध्यक्ष जलेश्वर पाण्डेले सुदुर ग्रामीणर् इलाकादेखि सहरी् इलाका सम्म जनताको विचमा एउटा भरपर्दो वित्तिय मध्यस्तकर्ताको रुपमा कार्य गर्ने उद्देश्य बैंकले लिएको जानकरी दिए । बैंकले विषेश योजाना अर्न्तर्गत एक सयमा खाता खोल्न सकिने गरिमा स्वणिर्म बचत र भुपु सैनिक बचत खातामा एक लाखको निशुल्क दुर्घटना विमा व्यवस्था गरेको पोखरा शाखाका म्यानेजर गोविन्दप्रसाद ढकालले बताए ।  

अधिकृत पूँजी बीस करोड, जारी पुँजी ५ करोड र चुक्ता पूँजी २ करोड रहेकोमा असोज मसान्त सम्म चुक्ता पूँजी ५ करोड ३० लाख पुर्‍याईने जानकारी बैंकका कार्यकारी अधिकृत जितमान श्रेष्ठले दिए । उनका अनुसार बंैकले भविश्यमा १० जिल्लमा कार्यक्षेत्र विस्तार गर्ने र चुक्ता पूँजीलाई क्रमशः बढाउदै जाने निति लिएको छ । नेपाल राष्ट्र बैंको नयाँ व्यवस्था अनुसार २०७६ आषाढ मसान्त सम्म बैंकले चुक्ता पूँजी १० करोड पुर्‍याउने जानकारी बैंकले दिएको छ ।

बैंकले महिलाका लागि गरिमा महिला बचत, बाल, बृद्ध र अपाङ्गको लागि कल्याणकारी बचत, बैदेशिक रोजगार बचत लगायतका बचत खातालाई अगाडी सारेको छ । २०६४ साल मंसीर ७ गतेबाट आफ्नो कारोबार सुरु गरेको बैंकले पाल्पाको रामपुर, स्याङजाको गल्याङ र पोखरामा शाखा स्थापना गरिसकेको छ भने यही भदौमा नै स्याङजाको पुतलीबजार शाखा विस्तार गर्ने लक्ष्य लिएको बैंकका संस्थापक दुगाबहादुर गुरुङले जानकारी दिए ।