• Email to friend
• Add to Bookmark
• Send your feedback
• Printer Friendly

पोखरा, २१ बैशाख/प्रथम पेप्सी अन्तराष्ट्रिय सेभेन ए साइड फुटबल प्रतियोगिताको उपाधि मनाङमर्स्याङदीले उचालेको छ । पोखरा रंगशालामा शनिबार दिउँसो सम्पन्न फाइनल प्रतिस्पर्धामा मनाङले आयोजक पोखरा एलाई १-० ले पराजित गर्दै उपाधि राजधानी भित्रयाएको हो ।
घरेलु टोलीले उपाधि रक्षा गर्न निर्धारित समयसम्म गरेको कोशिस सफल भएपनि अतिरिक्त समयको अन्तिम मिनेटमा गोल खाँदा उपाधि राजधानीको टोलीलाई सुम्पनु परेको हो । अतिरिक्त समयको ९ औं मिनेटमा पंकज लामाले मनाङका लागि निर्णायक गोल गर्दै ७५ हजार रुपियाँसहितको उपाधिको हकदार बनाए । उपविजेता बनेको आयोजक पोखरा एले ५० हजार रुपियाँसहित कपमा चित्त बुझायो ।
निकै प्रतिस्पर्धात्मक खेलमा बाजी मारेको मनाङले वर्षदनको फुटबल विश्रामलाई उपाधिसहित पुनताजगी गरेको छ । एन्फामा देखिएको विवादले फुटबलबाट टाढिएको मनाङले वर्षदनपछि पोखरा रंगशालाको खेलमैदानमा उपस्थिति जनाएको मनाङले पछिल्लो समयको ठुलो धनराशी पुरस्कार जितेको हो । एन्फाको विवादले फुटबल क्षेत्र नै अन्यौलग्रस्त बनेको थियो । मनाङ एन्फाको विरुद्ध सघंषमा उत्रिएको थियो ।
कम पोखरेली दर्शक समक्ष आफुलाई प्रस्तुत गरेको मनाङले जितको लागि आयोजकसित निकै संर्घष गर्नुपर्‍यो । निर्धारित ५० मिनेटको समयसम्म गोलरहित बराबरी खेलेको मनाङले खेल सकिन केवल एकमिनेट बाँकी छदाँ लामाको गोलमा उपाधि जित्दा एकवर्षो विश्रामलाई चटक्कै भुलेको छ । उपाधिले मनाङलाई पोखराको मैदान निकै फापिलो हुने सावित समेत गरेको छ । मनाङले आहा गोल्डकपको दोस्रेा र तेस्रो संस्करणसहित ६ पटकको लिग विजेता समेत बनिसकेको छ ।
प्रशान्त गिरीको उपस्थिति विना मैदानमा उत्रिएको मनाङले गोलको अवसर सृजना गरेपनि प्रयास विफल बन्दा गोलको खडेरी नै परेको थियो । त्यसो त आयोजकले पनि गोल गर्ने अवसर सृजना नगरेको भने होइन् । गोलको लागि विपक्षी गोलपोष्टमा धावा बोलेपनि गरेका हरेक प्रयास विफल बनिदिदाँ आयोजक निराश बन्नु परेको थियो । टासी छिरिङको नेतृत्वमा मैदानमा देखापरेको मनाङले गिरीको अनुपस्थितिमा फाइदा उठाँउदा घरेलु टोलीले भने दर्शकको र्समर्थनलाई आत्मसात गर्न सकेन् ।

प्रतियोगिताको विजेता तथा उपविजेता टोलीलाई स्थानीय विकास मन्त्री देव गुरुङले नगदसहित कप, पदक तथा प्रमाणपत्र प्रदान गर्नुभएको थियो । विजेताले ७५ र उपविजेताले ५० हजार रुपियाँ पाएका छन् । प्रतियोगितामा उत्कृष्ट खेलाडी मनाङका कप्तान टासी छिरिङ घोषित भए । अनुशासित टोलीको पुरस्कार भने बेलायतबाट आएको हेरिक व्वाइजको नाममा रहृयो । उनीहरुलाई ट्रफी प्रदान गरिएको थियो ।
नेपाल सेभेन ए साइड फुटबल फेडेरेशनको आयोजना तथा बरुण बेभरेजको मुख्य प्रायोजनमा सञ्चालित उक्त प्रतियोगितामा नेपाल, भारत, हङकङ र बेलायतसहित काठमाडौ, रुपन्देही धरान, इटहरी, वालिङका गरी १६ टिमको सहभागिता रहेको थियो ।